Advertisements
أخبار جديدة

ما استشهدت!معقول الله مش راضي عني

الشهيد محمد هزيمة ؛ ميس الجبل (لبنان)

اتصاوب ب شهر 5 سنة 2015 ضل 10 ساعات ينزف على تلة موسى ومن كتر البرد تجمد الدم بجسمو مشان هيك ما نزف كتير الحكيم قال عن هيدة الحالة ما الا تفسير طبي بس الا قدرة الهية 
رفقاتو افتكرو استشهد ؛وسحبو جبهة النصرة ؛ بس اتصل ب مرتو وحكيها واستسمح منها وقلا انا  ح استشهد وسلملي على الكل صار يعبي تراب و تمو مشان ما يصرخ من وجعو بس مرتو قدرت تتواصل مع حدن من رفقاتو وخبرتو انو بعدو عايش والحمدالله قدرو يسحبو بهيداك اليوم وجابو على مستشفى الشيخ راغب نحن ما تحملنا انو نشوف القلب الحنون نايم وعم يئن من وجعو بس صرنا نشكر الله انو نال وسام الجرح لانو بصراحة فكرة استشهادو علينا كانت صعبة 

بس هوي لمن فاق وشاف حالو بالدنيا وبعدو ما استشهد تعبت نفسيتو كتير وصار يقول اكيد عامل ذنب كبير حتر الله حرمني الشهادة 

ومن هيداك الوقت الجريح صار انسان تاني ؛ صار دايما شارد ؛ يحاول دايما يساعد كل الناس مع انو ما كان حارم حدن بيعرفو او ما بيعرفو من المساعدة بس بعد الجرح زادت هيدة الخصلة فيه مع انو كان على الكرسي المتحرك نتيجة اصابة قوية ب اجرو منعتو انو يمشي لاكتر من 4 اشهر كنا نحاول نشبع من من ضحكتو من صوتو من حكيو لانو كنا ماكدين انو خالو الجريح هوي شهيد بس الله ما كاتبلو هيي هلأ كانت كل الناس تحبو وتحكي عنو بالخير ؛ كان اب لكل شخص ضعيف ومسكين 

وبيوم 28/10/2016 اجا خبر استشهادو بالليل للحظة ما صدقنا انو كيف ممكن نقدر نستوعب الفكرة انو الخال والخي والبي وكل شي بالنسبة النا وسندنا وملجأنا وقت همومنا ومشاركنا فرحتنا ضحكتو ما عادت موجودة بهالدنيا نيالو ارتاح من هم الدنيا وضمن آخرتو بس بيبقى الشوق بقلوبنا الله عز وجل بيتكفل في وبيطفي هيدة الحرقة لانو هوي منو اغلى من الامام الحسين (ع)

قبل ما يستشهد بساعات حكي مع كل اخواتو والن انا بحبكن كتير ومشتقلكن سالتو اختو ايمتن جاية قلا تجهزو يا شعب المقاومة ؛ وبعد ما استشهد رفيقنا خبرنا انو الخوذ ما كانو بكفو لكل الشباب فالشهيد قام خوذة عن راسو وعطاها للشب يلي معو وبعد ما استشهد واجو رفقاتو قالو انو الشهيد كان قادر يستلم مركز مسؤولية مهم بسبب شهاداتو الجامعية بس هوي كان يرفض كل شي اسمو مناصب ومتواضع لاقصى حدود 
سر عرفناه بعد ما اسشتهد كمان لمن اجا مسؤولو لعنا وقال انو الشهيد ضل سنة وشوي ما يروح على شغلو لانو طيارة mk كانت ملاحقيتو 
هنيئا الو والله يجمعنا في يوم القيامة💔
ابنة اخت الشهيد

Advertisements
%d مدونون معجبون بهذه: